Labanan ang HB 6658

Isa na naming kaululan ang nire-railroad ng mga amuyong sa kongreso. Ito ay ang HB 6658 entitled
AN ACT PROVIDING FOR STIFFER PENALTIES FOR FIREARMS-RELATED CRIMES, FURTHER AMENDING FOR THE PURPOSE PD 1866 AS AMENDED ENTITLED “CODIFYING THE LAWS ON ILLEGAL / UNLAWFUL POSSESSION, MANUFACTURE, DEALING, ACQUISITION OR DISPOSITION OF FIREARMS, AMMUNITION OR EXPLOSIVES AND IMPOSING STIFFER PENALTIES FOR CERTAIN VIOLATIONS THEREOF, AND RELEVANT PURPOSES

Ayon sa panukalang ito, lalo nitong pahihigpitin ang pagmamay-ari ng mga baril ng mga sibilyan. Dinagdagan nito ang restrriksyon sa kung ano ang maaaring ma-acquire ng isang sibilyan a baril
The penalty of reclusion perpetua shall be imposed upon any person who shall unlawfully acquire or possess a light weapon. The term light weapon refers to a weapon designed for use by two or more persons serving as a crew or maybe carried and used by a single person which shall include drum-fed and belt fed submachine light and heavy machine guns, hand held under barrel and mounted grenade launchers, portable anti aircraft guns, portable anti tank guns, recoilless rifles, portable launchers of anti aircraft missile systems and mortars of a caliber of less than one hundred millimeters, a light weapon shall be lawfully acquired or possessed exclusively by the armed forces of the Philippines or the Philippine national police.


In any case, where an unlicensed firearm or light weapon is carried in parts by, or is otherwise in the possession of two (2) or more persons, each and every one of the of those persons shall be deemed in possession of the firearms or light weapon.


When more than three person are armed, and any of the arms carried by any of said persons is an unlicensed firearm or light weapon. It shall be presumed that there is an intention to commit another crime other than that of illegal possession of firearms or light weapon

Binago sa panukalang batas na ito ang depinisyon ng light weapon

1. "designed for use by two or more persons serving as a crew" ALREADY FORBIDDEN TO CIVILIANS.

2. "maybe carried and used by a single person" - that means all guns, no matter the caliber, make or action.

Kung ating susumahin, wala anumang klase o kalibre ng baril ang papasa sa qualification sa itinakda ng panukalang batas na ito. Ang kailangan na lang gawin ng gobyerno ay pahigpitin ng husto ang mga restriksyon upang gawing imposibleng makapagmayari ng baril ang mga sibilyan sa legal na pamamaraan.

Ano ba ang intension sa likod ng batas na ito?
Kung titingnan natin sa mga kasaysayan ng mundo, ang unang hakbangin na ginagawa ng mga despotikong gobyerno upang makapagpatupad ng martial law ay ang pagdisarma sa mga sibilyan. Kung ating matatandaan, noong idineklara ni Presidente Marcos ang Martial Law noong 1972, kasabay na inilunsad ng pamahalaan ang pagkumpiska sa mga baril na nasa pagmamayari ng mga sibilyan, legal man o illegal. Hindi kaya ito ay isa na namang pakana ng gobyernong Arroyo para alisin ang mga baril sa kamay ng mga sibilyan para siguruhin na walang makakahadlang sa balakin niyang magdeklara ng martial law upang mabago ang saligang batas upang mapahaba ang kanyang termino bilang pangulo ng bansa?

At sino naman ang kawawang tatamaan ng panukalang batas na ito? Siyempre ang mga law-abiding citizens. Mga lisensyadong nagmamayari ng baril. Mga lehitimong pribadong indibidwal na namumuhay ng mapayapa at sumusunod sa batas. Ayon na din sa PNP, sa mga krimen kung saan sangkot ang mga baril, 95% ay mga illegal, unregistered at loose firearms ang involved. 5% lang ang involved na mga rehistradong baril. Sa madaling salita, hindi mga lehitimong nagmamayari ng baril ang problema. Sa palagay kaya ng mga kongresistang ito ay susunod sa batas ang mga kriminal? Na hihinto sa pagbili ng matataas na kalibre ng baril ang mga masasamang elemento sa lipunan? Ang tanging gagawin lamang ng panukalang batas na ito ay alisan ng kakayanan ang mga lehitimong at mapayapang sibilyan na ipagtanggol ang kanilang mga sarili laban sa mga masasamang elemento. Iaasa na lang ba natin ang ating kaligtasan sa kapulisan?. Sa mismong oras ba ng pangangailangan darating ba ang pagsaklolo ng kapulisan sa isang kisap mata upang tayo ay iligtas? E alam naman nating lahat na ang kapulisan ay reactive in nature. Sila ay first responders lamang. Meaning, darating sila kapag may nangyari na..

Bilang isang malayang mamamayan, hindi natin dapat iasa sa ibang tao, sa kapulisan o sa pamahalaan ang ating kaligtasan at seguridad. Tungkulin at karapatan nating lahat na ipagtanggol ang ating mga sarili laban sa pisikal na pagatake ng mga masasamang elemento. Tungkulin natin ito sa ating sarili at sa ating mga pamilya. Karapatan natin ito na dapat nating ipagtanggol.

Higit sa lahat, bilang isang malayang mamamayan, kung tayo nga ay totoong malaya, tungkulin nating lahat na ipagtanggol ang mga karapatan at ang demokrasya na tinamo natin. Sa mapayapang pamamaraan kung maaari. Sa pamamagitan ng dahas kung kinakailangan.

Kabi-kabila ang mga kaaway ng ating demokrasya. Mula sa mga komunistang grupo at makakanang radikal hanggang sa mga panatikong grupo ng mga teroristang muslim. Nang dahil sa mga armas sa kamay ng mga sibilyan, naipagtanggol ng mga sibilyan ang kanilang mga sarili laban sa pagatake ng grupo nila Umbra Kato at Kumander Bravo ng MILF sa maraming araw na ayaw silang ipagtanggol ng ating pamahalaan. Bukod sa MILF, nandyan ang Abu-Sayyaf, nandyan din ang CPP-NPA, andyan din ang iba’t-ibang grupo ng mga tulisan. Mga kaaway ng demokrasya. Darating ba ang mga tropa ng pamahalaan bago dumanak ang dugo ng mga inosenteng sibilyan? At kung darating ang panahong ang gobyerno na mismo ang nambibiktima sa mga inosenteng sibilyan, paano natin ipagtatanggol an gating mga sarili? Ilang genocide, at mass murder ang dapat sana’y naiwasan sa buong mundo kung ang mga mapayapang sibilyan ay mayroong armas sa kanilang kamay.
Ang United Nations na siyang pangunahing nagsusulong ng Small Arms control sa buong mundo, ano ba ang nagawa nito upang mapigilan at mahinto ang mga genocide? Inutil ang United Nations laban sa mga ganitong kaganapan. Dahil ang totoo, ang aking kaligtasan, ang iyong kaligtasan at ang ating demokrasya ay kaya lamang ipagtanggol ng ating mithiin na ipagtanggol ito sa kahit anumang paraan. Hindi ba't dahas ang ginamit ni Cory Aquino, aminin man natin o hindi, upang talunin ang mga pagtatangka sa ating demokrasya noong siay ay pangulo?

Unti-unti, nagiging “Nanny state” ang ating bansa. Unti-unti, inaalis ng ating pamahalaan ang mga karapatan nating mga mamamayan. Dapat nating labanan ang anumang batas na naglalayong disarmahan ang mga sibilyan. Tungkulin natin ito. Karapatan natin ito.