Itigil ang Boundary System

Today’s editorial at the Philippine Star gets it right. http://www.philstar.com/Article.aspx?articleId=499375 . Ang boundary system ng mga drivers at konduktor ng mga bus at jeep ang pinakamalaking dahilan ng pagsisikip ng trapiko sa bansa. Hindi lang ng pagsisikip kundi na rin ng mga aksidente sa kalsada. Para lamang makarami ng mga pasahero ang driver ng bus at jeep, nagkakarera sila sa kalsada, ihinaharang ang mga naglalakihang sasakyan nila at ngapapakatagal sa mga pilihan para mahakot nila ang lahat ng pasahero. Nang dahil sa boundary system, nawawala na ang disiplina sa pagmamaneho.


Gaano ba kalaki ang cost ng trapik sa ekonomiya ng ating bansa. In terms of productivity and opportunities lost dahil nasasayang ang oras ng mga tao sa grabeng trapik araw-araw. Ikumpara natin sa kita ng iilang operators ng bus at jeep na sila lang ang nakikinabang sa grabeng trapik na dulot ng boundary system sa pamamasada. At gaano karami ng tao ang nadisgrasya ng dahil sa ganitong sistema.


Sa aking palagay, dapat ng ipagbawal ang boundary system sa pamamasada. Dapat gawing swelduhan na lamang ang mga driver at konduktor ng jeep at bus. Malaki ang iluluwag ng trapik sa ating mga kalsada lalong lalo na sa Metro Manila kapag ginawa ito at malaki din ang mababawas sa mga sakunadulot ng kawalan ng disiplina sa pagmamaneho ng mga driver ng pampublikong sasakyan. Mababawasan din ang road rage sa kalsada. Sa totoo lang hindi, hindi natin kailangan ang number coding scheme at kung ano-ano pang scheme. Ito lang ipatupad ng gobyerno, tiyak na malaki ang ikaayos ng daloy ng trapiko sa ating bansa.